युनिकोड
कानुन, न्याय तथा संसदीय मामिलामन्त्रालयका सचिवमा पाराश्वर ढुंगानालाई सरुवाका लागि न्याय सेवा आयोगले सिफारिस गरेको छ।
आज असार १ गते आइतबार बसेको न्याय सेवा आयोगको बैठकले सत्य निरुपण तथा मेलमिलाप आयोगमा रहेका ढुंगानालाई कानुन मन्त्रालयको सचिवका लागि सिफारिस गरेको हो।
अब बस्ने मन्त्रिपरिषद् बैठकले सरुवाको निर्णय गर्नेछ।
यसअघिका कानुन सचिव उदय सापकोटा अनिवार्य अवकाशमा गएपछि उक्त पद रिक्त छ।
यस्तै न्याय सेवा आयोगको बैठकले न्याय, कानुन तथा सरकारी वकिल समूहका गरी २६५ जना अधिकृतको सुरूवा, बढुवा तथा पदस्थापनसम्बन्धी निर्णय पनि गरेको छ।
प्रतिक्रिया