प्रतिफल आउने ठाउँमा मात्रै हवाई पूर्वाधार बनाऔँ: सांसद शेर्पा

राष्ट्रिय सभामा नेकपा एमाले सांसद सोनाम गेल्जेन शेर्पाले प्रतिफल आउने ठाउँमा मात्रै हवाई पूर्वाधार बनाउन आग्रह गरेका छन्। 

राष्ट्रियसभाको बुधबारको बैठकमा सरकारले प्रस्तुत गरेको बजेटका सिद्धान्त र प्राथमिकतामाथिको छलफलमा भाग लिँदै उनले माग आएको ठाउँमा हवाई पूर्वाधार बनाउने नभई आवश्यकता भएको र प्रतिफल आउने ठाउँमा मात्रै निर्माण गर्नुपर्ने बताएका हुन्।

‘यो हवाई धावन मार्गहरू जहाँ पायो त्यहीँ बनाउने, जहाँ माग छ त्यहीँ बनाउने होइन,' उनले भने, 'जहाँ प्रतिफल आउँछ त्यहाँ बनाउनुपर्छ। शाहसिक खेलहरू, पर्यापर्यटन, पूर्वाधार विकासलाई तिब्रता दिनुपर्छ।'

सांसद शेर्पाले विद्युत उत्पादनलाई हाइड्रोपावरमा मात्रै नभई वैकल्पिक विद्युत्‌मा पनि जानुपर्ने बताए।