तीनकुनेमा कुनै पनि कार्यक्रम गर्न नदिन संसदीय समितिको निर्देशन

काठमाडौँको तीनकुनेमा कुनै पनि कार्यक्रम गर्न नदिन संसदीय समितिले सरकारलाई निर्देशन दिएको छ। शुक्रबार प्रतिनिधिसभाअन्तर्गतको राज्यव्यवस्था तथा सुशासन समितिको बैठकमा गृहमन्त्रीलाई बोलाएर समितिले यस्तो निर्देशन दिएको हो। 

प्रहरीलाई स्रोत–साधनयुक्त बनाउन भन्दै समितिले बजेट व्यवस्थापनका लागि गृह मन्त्रालयलाई अभिभावकीय भूमिका निभाउन पनि निर्देशन दिएको छ। 

चैत १५ गते राजावादीको हिंस्रक प्रदर्शनमा दुईजनाको ज्यान जानुका साथै सरकारी र निजी सम्पत्तिमा क्षति भएको थियो।