सांसद कार्कीको प्रश्नः नेपाल तस्करहरूको ‘ट्रान्जिट’ पोइन्ट बनेको हो?

राष्ट्रिय प्रजातन्त्र पार्टीकी सांसद रोशन कार्कीले के नेपाल तस्करहरूको ट्रान्जिट प्वाइन्ट बनेको हो? भन्दै सरकारलाई प्रश्न गरेकी छन्। 

बुधबारको प्रतिनिधिसभा बैठकमा बोल्दै उनले प्रश्न गरेकी हुन्। त्यस्तै उनले नेपाली जनताको सहनशीलताको परीक्षा नलिन पनि सरकारलाई चेतावनी दिइन्।  

'नेपाल तस्करहरूको ट्रान्जिट बनिरहेको हो?' सोधिन्।
 
नेपाल दिनदिनै तस्करहरूको जालोमा फसिरहेको भन्दै भनिन्, 'भ्रष्टाचारमा नेपालले नयाँनयाँ कीर्तिमान कायम गरिराखेको छ। हामी ठगीको उपाधिबाट घोषित भएका छौँ। म सरकारको ध्यानाकर्षण गर्न चाहन्छु,सरकारलाई खबरदार भन्न चाहन्छु। सरकारले देशलाई कहाँ पुयाउन खोजेको हो ?’ 

अहिलेकै अवस्था कायम भइरहे सरकारमात्रै नभए देशनै खतरामा पर्ने उनको भनाइ छ।