अब पार्टीभित्र कसैलाई अन्याय हुन दिन्न : शेखर कोइराला

नेपाली कांग्रेसका नेता डा.शेखर कोइरालाले कांग्रेसका नेता तथा कार्यकर्तामाथि अन्याय हुन नदिने प्रतिबद्धता जनाएका छन्।

कांग्रेसको राप्ति स‍ोनारी गाउँपालिका सम्मेलनलाई आइतबार उदघाटन् गर्दै डा.कोइरालाले कांग्रेस कार्यकर्तालाई संरक्षण गर्ने जिम्मेवारी आफूले लिने बताएका हुन्।

नेता डा.कोइरालाले भने,'ढुक्क भएर संगठन गर्नुस, समयमै सदस्यता नवीकरण गराउनुस।’ उनले सबै तहका कांग्रेस कार्यकर्ताहरू पार्टीको विधानअनुसार अघि बढ्न आवश्यक रहेको बताए। 
 
पार्टीको १५औं महाधिवेशन निर्धारित समयमै हुनुपर्ने उनको भनाइ छ।