गणपूरक संख्या नपुगेपछि अर्थ समिति बैठक स्थगित

गणपूरक संख्या नपुगेपछि प्रतिनिधि सभाको अर्थ समितिको बैठक स्थगित भएको छ।

समितिका सभापति सन्तोष चालिसेले बैठक सुरू गर्न लाग्दा गणपूरक संख्या नपुगी बैठक सञ्चालन गरेको भन्दै नेकपा माओवादी केन्द्रकी सांसद गंगा कार्कीले विरोध जनाएकी थिइन्। उनले सत्तापक्षका सांसदहरू नै बैठकमा उपस्थित नहुनु राम्रो नभएको र कोरम नपुगी बैठक बस्न नमिल्ने भन्दै विरोध जनाएपछि सभापति चालिसेले बैठक स्थगित गरेका हुन्।

बैठकमा १२ जना सांसदको उपस्थितिमा हुनुपर्नेमा ८ जना मात्रै पुगेका थिए।