युनिकोड
कीर्तिपुर नगरपालिका प्रमुख र दुईवटा वडाध्यक्षको मतगणना आजै (आइतबार) सुरु हुने भएको छ।
अहिले सर्वदलीय बैठक बस्न लागेको निर्वाचन अधिकृत इन्दिरा कार्कीले जानकारी दिइन्।
‘२० मतदान केन्द्रबाट मतपेटिका संकलन गरेर मतगणनास्थलमा ल्याइपुर्याएका छौँ,’ उनले नेपालखबरसँग भनिन्,‘ अब सर्वदलीय बैठक बसेर त्यसलगत्तै मतगणना थाल्छौँ।’
कीर्तिपुरको प्रमुखका लागि राजनीतिक दलबाट ८ र स्वतन्त्र १० जना उम्मेदवार प्रतिस्पर्धामा छन्।
आइतबार बिहान ७ देखि साँझ ५ बजेसम्म भएको मतदानमा २१ हजार ३ सय ६२ मत खसेको छ।
कीर्तिपुरमा ३१ हजार १ सय १२ मतदाता थिए।
२०७९ को वैशाखमा भएको स्थानीय तहको चुनावमा निर्वाचित नेपाली कांग्रेसका राजकुमार नकर्मीको निधन भएपछि उपचुनाव भएको हो।
यसैगरी सोही नगरपालिकाको वडा नम्बर १ र ४ मा पनि उपचुनाव भएको छ। वडाको समेत मतगणना थाल्ने उनले जानकारी दिइन्।
प्रतिक्रिया