युनिकोड
बागमती प्रदेशका मुख्यमन्त्री शालिकराम जम्कट्टेलले आइतबार (आज) प्रदेश सभाबाट विश्वासको मत लिँदैछन्।
गत असार २४ गते नेकपा एमालेका मन्त्रीहरुले सामूहिक राजीनामा दिएर सरकारलाई दिएको समर्थन फिर्ता लिएपछि अल्पमतमा परेका मुख्यमन्त्री जम्मकट्टेलले विश्वासको मत लिन लागेका हुन्। यस अघि तीनपटकसम्म विश्वासको मत लिएर सत्ता जोगाएका उनले चौथो पटक भने सत्ता गुमाउने निश्चित जस्तै छ।
नयाँ सत्ता समीकरण अनुसार सरकार बनाउन लागेका एमाले र कांग्रेसले आफ्ना सांसदलाई जम्मरकट्टेलाई विश्वासको मत नदिन ह्वीप जारी गरेका छन् भने अन्य दललाई समेत विपक्षमा मतदान गर्न अनुरोध गरेका छन्।
हाल माओवादी नेतृत्वको सरकार जोगाउनेतर्फ नलागेर नयाँ सत्ता समीकरणको सरकार गठनमा लाग्ने कांग्रेस र एमालेका सांसदहरुले बताएका छन्।
राष्ट्रिय प्रजातन्त्र पार्टी (राप्रपा) र हाम्रो नेपाली पार्टी (हानेपा) लाईसमेत विश्वासको मतको विपक्षमा मतदान गर्न भनिएको कांग्रेस बागमती प्रदेश संसदीय उपनेता रामकृष्ण चित्रकार बताउँछन्।
‘राजनीतिक परिस्थितिका कारण माओवादी केन्द्र प्रतिपक्षी दलको भूमिकामा रहनुपर्ने समय आएको छ, ‘मुख्यमन्त्री जम्मकट्टेलले भने, त्यसकारण पनि मैले यो पटक कुनै राजनीतिक दलहरुसँग विश्वासको मतका लागि हात जोडेको छैन। संवैधानिक व्यवस्थाको उपयोग गरौँ भन्ने भएर विश्वासको मतको प्रक्रियामा सहभागी हुन लागेको हुँ।’
पटक÷पटक विश्वासको मत लिएर सत्ता जोगाएका मुख्यमन्त्री जम्मकट्टेलको विश्वास मतको संख्या घट्दो क्रममा छ।
जम्कट्टेलले २०७९ माघ ३ गते पहिलो पटक विश्वासको मत लिदा नेमकिपा बाहेक ६ दलको समर्थन पाए।
दोश्रो पटक २०७९ चैत्र १० मा दोश्रो पटक विश्वासको मत लिने क्रममा मुख्यमन्त्री जम्कट्टेलले ६७ मतमात्र प्राप्त गरे भने तेस्रो पटक २०८० चैत्र १९ मा विश्वासको मत लिएका उनले मुस्किलले ५६ मत बटुलेर सत्ता जोगाएका थिए।
तर अब भने उक्त विरासत जोगाउन सक्ने पक्षमा छैनन् उनी। माओवादी, हानेपा र नेकपा एसले साथ दिए भनेपनि उनले पाउने मतको संख्या ३० मात्रै हुन्छ।
प्रतिक्रिया