प्रधानमन्त्रीसँगै मन्त्रीहरूको पनि शपथ हुन्छ : कांग्रेस प्रवक्ता महत

नेपाली कांग्रेसका प्रवक्ता डा. प्रकाशशरण महतले पटक पटक गरेर मन्त्रीहरूको नियुक्त नहुने बताएका छन्। शनिबार पार्टी केन्द्रीय कार्यालय सानेपामा बसेको कार्यसम्पादन समितिको बैठकपछि उनले यस्तो बताएका हुन्।

प्रधानमन्त्रीको नियुक्तिसँगै मन्त्रीहरूको पनि शपथ हुनेगरी तयारी भइरहेको उनले बताए।

‘पहिला त प्रधानमन्त्रीको नियुक्त हुनुपर्यो। पहिल्यै मन्त्री पठाएर हुँदैन। शपथ ग्रहणसँगै मन्त्रीहरूको पनि शपथग्रहण हुन्छ। सबै कुराको आन्तरिक गृहकार्य भइरहेको छ,’ उनले भने, ‘प्रधानमन्त्रीसँगै मन्त्रीहरूको पनि पटक पटक गरेर हुँदैन, करिब एकै पटक मन्त्रीहरूको टुंगो लगाएर शपथ ग्रहण हुन्छ।’