प्रचण्डलाई लेखकको चेतावनी– तपाईंले धोका दिएका सबै मिले के होला?

प्रमुख प्रतिपक्षी दल नेपाली कांग्रेसका प्रमुख सचेतक रमेश लेखकले प्रधानमन्त्री पुष्पकमल दाहाल प्रचण्डले अब धोका दिन बाँकी रहेका कोही पनि नभएको बताएका छन्।

प्रतिनिधिसभा बैठकको बिहीबारको बैठकमा सम्बोधन गर्दै उनले प्रधानमन्त्री प्रचण्डले सबैलाई धोका दिँदै हिँडेको र कुनै दिन ती धोका खाएकाहरू मिले के होला भन्ने हेक्का राख्न चेतावनी पनि दिए। 

‘म त कुन निष्कर्षमा पुगेँ भने–अब धोका दिन कोही बाँकी रहेन। एकचोटी सोच्नु, सबै धोका पाएकाहरू एकदिन तपाईंका विरुद्धमा भने कहाँ पुग्नुहोला? हेक्का राख्नूहोला! खाली ख्याल गर्नुहोला,’ उनले चेतावनीको भाषा प्रयोग गर्दै भने। 

प्रधानमन्त्री पुष्पकमल दाहाल प्रचण्डले जीवित छँदासम्म उथलपुथल गर्छु भनेर भनेको कुराप्रति पनि उनले ध्यानाकर्षण गराए।