आगामी ११ माघमा हुन लागेको राष्ट्रिय सभा निर्वाचनका लागि कर्णालीबाट गठबन्धनका उम्मेदवारले मनोनयन दर्ता गराएका छन्।
नेपाली कांग्रेस, नेकपा माओवादी केन्द्र र नेकपा एकीकृत समाजवादीबीच राष्ट्रिय सभाका ३ सिटमा १/१ सिट लिने गरी भागबण्डा भएको छ।
तीनदलीय गठबन्धनबाट उम्मेदवार बनेका कांग्रेसबाट रुकुमका कृष्णबहादुर रोकाया, समाजवादीबाट दैलेखकी सावित्री मल्ल, माओवादीबाट कालीकोटका विष्णु विकले मनोनयन दर्ता गराएका हुन्।
महिलाततर्फ मल्ल, दलिततर्फ विक र अन्यतर्फ रोकाया उम्मेदवार रहेका छन्।
एमालेले पनि उम्मेदवारको मनोनयन दर्ता गराई सकेको छ। एमालेबाट राष्ट्रियसभा सदस्यका लागि विमलाकुमारी शाही, हिक्मत विक र डिल्लीप्रसाद भट्टले मनोनयन दर्ता गराएका हुन्।
हुम्लाकी शाही महिला क्लस्टर, दैलेखका विक दलित क्लस्टर र मुगुका भट्ट अन्य क्लस्टरबाट उम्मेदवार बनेका छन्।
Shares
प्रतिक्रिया