युनिकोड
सत्तारुढ दल नेपाली कांग्रेसको केन्द्रीय कार्य समितिको बैठक बिहीबार दिउँसो बस्दैछ।
पार्टी केन्द्रीय कार्यालय सानेपामा दिउँसो १ बजे बस्न लागेको बैठकमा कांग्रेसको तर्फबाट विभिन्न मन्त्रालयको नेतृत्व गरेका मन्त्रीहरूले आफूले गरेको कार्यसम्पादनबारे केन्द्रीय समितिलाई अवगत गराउने कार्यसूची छ।
कांग्रेसका सूचना, सञ्चार तथा प्रचार विभाग प्रमुख मीनबहादुर विश्वकर्माका अनुसार बैठकमा आगामी पुस १६ गते पार्टीले मेलमिलाप दिवस मनाउने र महासमिति बैठकको तयारीलगायतबारे छलफल हुनेछ।
यसैगरी राष्ट्रियसभा निर्वाचनमा आवश्यक मापदण्ड र पार्टीले यसअघि नै सुरु गरेको 'समुदायमा कांग्रेस' अभियानबारे पनि छलफल हुने विश्वकर्माले बताए।
प्रतिक्रिया