नेकपा एकीकृत समाजवादीले भ्रातृ संगठन युवा संघ नेपालको सदस्य–सचिव बनाएका सञ्जीव राईले उक्त जिम्मेवारी अस्वीकार गरेका छन्।
एकीकृत समाजवादीको आइतबार सम्पन्न सचिवालय बैठकले राईलाई युवा संघको सदस्य सचिवको जिम्मेवारी दिने निर्णय गरेको हो।
तर राईले आफू उक्त जिम्मेवारीमा नरहने जानकारी गराएका हुन्।
‘युवा संघ नेपालको भाद्र १० गते सम्पन्न सचिवालय बैठकले मलाई संगठनको सदस्य–सचिव घोषणा गरे पनि म यो जिम्मेवारीमा नरहने जानकारी गर्दछु’, उनले सामाजिक सञ्जालमार्फत भनेका छन्, ‘साथै मप्रति श्रद्धा, माया र शुभेच्छा प्रकट गर्नुहुने सबै कमरेडहरूलाई विशेष धन्यवाद।’
पार्टी सचिवालय र संघको बैठकले महाधिवेशन आयोजक कमिटी गठन गरेको छ। जसमा कृष्ण विक संयोजक र नितेश पौडेल सहसंयोजक तोकिएका छन्।
102
Shares
प्रतिक्रिया