मोहन वैद्य नेतृत्वको क्रान्तिकारी कम्युनिष्ट पार्टी नेपालले अमेरिकी सहयोग परियोजना मिलेनियम च्यालेन्जस कर्पोरेशन (एमसीसी) लागू हुन नदिने चेतावनी दिएको छ।
नेता सिपी गजुरेलले राष्ट्रघाती एमसीसी परियोजना संसदबाट पास भएपनि आफूहरूले त्यसलाई लागू हुन नदिने चेतावनी दिएका हुन्।
शनिबार काठमाडौंमा आयोजित ‘एमसीसी खोरजी र फिर्ता’ विषयक अन्तरक्रिया कार्यक्रममा बोल्दै उनले भदौ १४ गतेबाट एमसीसी मुलुकका विभिन्न भागबाट लागू हुने कार्यक्रम तय गरिएको उल्लेख गर्दै त्यसको बिरोधमा आफूहरुले सोही ठाउँमा प्रदर्शनसहितको आन्दोलन गर्ने घोषणा समेत गरे।
‘अब यो लागूृ गर्ने चरणमा गएको छ। र, अहिले हामीले जे गर्न खाजेको छौं। त्यो के हो भने अब सम्झौता खारेज गर्न त सक्कियो। हामीले प्रयास ग¥यौ, सकेनौं। सम्झौता त संसदबाट पास गरे,’ गजुरेलले भने, छतर अहिले आएर उनीहरुले गर्न खोजेको के हो भने अव लागू गर्ने चरणमा छन उनीहरू। उनीहरूको वक्तव्यबाट के थाहा भएको छ भने यो आगामी १४ गते ठाउँ ठाउँमा उनीहरूले लागू गर्दैछन। उनीहरुले सेन्टरहरु लागू गर्ने भनेर ठाउँठाउँमा योजना बनाएका छन्।’
नेता गजुरेलले श्रीलंका सरकारले पनि संसदबाट पारित भएपछि एमसीसी फिर्ता गराएको दृष्टान्त दिँदै नेपालबाट पनि सो परियोजनालाई फिर्ता गराउन सकिने जिकिर गरे।
‘यो परियोजनालाई लागू गर्ने उनीहरुले डेट फिक्स गरेका छन्। र, हामीले त्यसैलाई लक्षित गरेको हो। आज यो कार्यक्रम त्यसैका लागि हो। किनभने पार्लियामेन्टबाट पास गरेको कुरालाई अब हामीले पास गरेको होइन भन्ने त होइन?,’ उनले भने, ‘जसरी भएपनि पनि पास त भयो। तर त्यतिमात्रै अन्तिम होइन। अब यो पास भइसक्यो, उल्टिँदैन भन्ने कुरा सत्य होइन। कुरा के हो भने उनीहरुले त्यहाँ पारित गरेपनि अब यहाँको सरकारले चाहीँ लागू गर्न पाउँदिन भन्ने अधिकार सरकारलाई छ। लागू नगर्ने अधिकार नेपाली जनतालाई छ।’
उनले सो परियोजना फिर्ता नभएसम्म आफ्नो पार्टीले आन्दोलनलाई निरन्तर जारी राख्ने पनि बताए।
‘त्यसकारण हामीले त्यो अधिकारलाई प्रयोग गर्दै अहिले हामीले गर्न खोजेको के हो भने त्यो संसदबाट जनतालाई धोका लिएर गरिएको सम्झौता कार्यान्वयन हुन दिँदैनौं। त्यसलाई हामीले अस्विकार गर्छौं। र, त्यसलाई खारेज गर्नुपर्छ भन्ने अधिकार नेपाली जनतालाई छ,’ गजुरेलले भने।
Shares
प्रतिक्रिया