नेकपा (एकीकृत समाजवादी) का सांसद प्रकाश ज्वालाले सिंहदरबारभित्र सर्वसाधारणले छिर्न पाउनुपर्ने भन्दै सभामुखसँग रुलिङ गर्न माग गरेका छन्।
शुक्रवार बसेको प्रतिनिधि सभाको बैठकमा सांसद ज्वालाले सो माग गरेका हुन्।
उनले सांसद र उनीहरुका आफन्तहरु मात्रै छिर्न पाउने व्यवस्था अन्त्य गरी सेवा लिन मन्त्रालय धाउने सबै सर्वसधारणलाई सहज व्यवस्थान गर्न माग गरे।
‘हामीले संहदरबारको दक्षिण गेट हेर्नसक्छौँ, हामी सांसदहरु, मन्त्रीहरु त्यहीँबाट ओहोरदोहोर गर्छौँ, जनताहरु बाहिर हुन्छन्, चिनेजानेकाबाहेकले सिंहदरबार छिर्न पाउँदैन, मन्त्रालय सिंहदरबारभित्र र सर्वसाधारण बाहिर हुन्छन्, यस्तो अवस्थाको अन्त्य हुनुपर्छ। जनतालाई प्रताडित गर्नु हुँदैन। सभामुखले आजै रुलिङ गरेर सिंहदरबारभित्र जनतालाई सहज प्रवेश गर्ने वातावरण हुनुपर्छ’, उनले भने।
Shares
प्रतिक्रिया