ad ad

राजनीति


माओवादीले राष्ट्रपतिमा राष्ट्रिय सहमति खोज्ने, महराको तर्क : यसो भन्दा एमालेलाई धोका दिएको हुँदैन

माओवादीले राष्ट्रपतिमा राष्ट्रिय सहमति खोज्ने, महराको तर्क : यसो भन्दा एमालेलाई धोका दिएको हुँदैन

नेपालखबर
माघ १३, २०७९ शुक्रबार १६:४०, काठमाडौँ

नेकपा माओवादी केन्द्रले यही महिना हुने भनिएको राष्ट्रपति निर्वाचनका लागि आफूलाई राष्ट्रिय सहमतिको पक्षमा उभ्याएको छ।

बिहीबारदेखि पेरिस डाँडामा जारी स्थायी समिति बैठकपछि शुक्रबार अपरान्ह सञ्चारकर्मीहरुसँग बोल्दै पार्टी प्रवक्ता एवम् उपाध्यक्ष कृष्णबहादुर महराले यसबारे जानकारी दिएका हुन्। 

'राष्ट्रपतिको विषयमा राष्ट्रिय सहमति कायम गर्ने पक्षमा आवाज आएको छ। बैठकमा सहभागी अधिकांश नेताहरुले राष्ट्रपतिका लागि साझा व्यक्ति आवश्यक पर्ने बताउनु भएको छ', उनले भने, 'राष्ट्रिय सहमतिको दिशामा हामी जान्छौँ। सहमति खोज्ने नीति छ।'

उनले त्यो राष्ट्रिय सहमति नेकपा एमालेसहितको हुने पनि बताएका छन्। 'राष्ट्रिय सहमति हुन्छ कि हुँदैन त्यो अहिले भन्न सकिँदैन। तर त्यो भनेको एमालेसहितको राष्ट्रिय सहमति हो', उनले थपे, 'हामीले राष्ट्रिय सहमति खोजेर एमालेलाई धोका दिएको होइन।'

उनले अहिले नै राष्ट्रपतिमा कसलाई सघाउने भन्ने टुंगो नभएको उनले बताए। 'चुनावका बेला उम्मेदवारबारेको सिन क्लियर हुन्छ', उनले भने, 'राष्ट्रपतिको निर्वाचन २५ देखि २८ माघको बीचमा हुन्छ। यसका लागि राष्ट्रिय सहमति कायम गर्न खोज्ने दिशामा छौँ। त्यसका लागि अरु पार्टीसँग पनि हामी छलफल गर्छौँ।'

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .