सत्ताका लागि गरिने राजनीतिको आयु कम हुन्छ : विनोद चौधरी

नेपाली कांग्रेसका नेता एवम् प्रतिनिधि सभा पश्चिम नवलपरासी क्षेत्र नम्बर १ का उमेदवार विनोद चौधरीले केवल सत्ताका लागि गरिने राजनीतिको आयु कम हुने बताएका छन्।

राजनीतिको मूल प्रवाह विकास निर्माणसँग जोडिनु पर्ने बताउँदै चौधरीले युवा, महिला र सबै वर्ग अट्ने गरि स्पष्ट विकासको खाका कोरेर अघि बढ्नु पर्ने आफ्नो मान्यता रहेको उल्लेख गरे।

वडा कार्यसमिति बर्दघाट १३ ले आयोजना गरेको कार्यकर्ता भेटघाट कार्यक्रममा बोल्दै चौधरीले आम मतदाता र उमेदवारबीचको दूरी चिर्ने गरी आफू मैदानमा उत्रिएको जिकिर गरे।

संगठनको ऐक्यवद्धताले नै यो क्षेत्रको विकास र परिवर्तनना हातेमालो गरि अघि बढ्न सकिने उनको भनाई थियो।

आम कार्यकर्ता र मतदाताको भावनलाई समेटेर हिँड्नु र त्यसलाई सहि रुपमा दिशानिर्देश गर्ने गरि लागि पर्नु नै आफ्नो कर्तव्य हुने चौधरीले धारणा राखे।

चौधरी यतिबेला बर्दघाट नगरपालिकाका विभिन्न वडामा पार्टीले आयोजना गरेका कार्यक्रममा सहभागी छन्।