आगामी ४ मंसिरमा हुने निर्वाचनका लागि प्रत्यक्षतर्फको २ करोड ३६ लाख ८० हजार ५ सय मतपत्र छपाइको काम सकिएको छ। निर्वाचन आयोगका अनुसार प्रतिनिधि सभातर्फ १ करोड १८ लाख ९८ हजार र प्रदेश सभातर्फ १ करोड १७ लाख ८२ हजार ५ सय मतपत्र छपाइ सम्पन्न भएको हो।
बाँकी मतपत्र छपाइको काम भइरहेको आयोगले जानकारी दिएको छ। साथै, छापिएको मतपत्र कात्तिक १३ गतेबाट सुरू हुने आयोगले जनाएको छ। पहिलो चरणमा कैलाली, कञ्चनपुर, अछाम, डोटी, डडेलधुरा, बझाङ, बैतडी र दार्चुलामा पहिलो हुने निर्वाचित हुने प्रणालीतर्फको मतपत्र ढुवानी हुने आयोगले जनाएको छ।
साथै, यी जिल्लामध्ये समानुपातिकतर्फको मतपत्र ढुवानी हुन बाँकी रहेका जिल्लामा समानुपातिकतर्फको पनि मतपत्र ढुवानी हुने आयोगको वेबसाइटमा उल्लेख गरिएको छ।
साथै यी जिल्लामा अस्थायी मतदाताका लागि आवश्यक पर्ने समानुपातिक निर्वाचन प्रणालीतर्फको मतपत्र पनि ढुवानी हुने बताइएको छ।
तस्बिर स्रोत: निर्वाचन आयोग
Shares
प्रतिक्रिया