सत्तारुढ दल नेपाली कांग्रेसले हरेक सार्वजनिक निकायका अधिकारीहरूले प्रत्येक वर्ष सम्पत्ति विवरण सार्वजनिक गर्ने बाध्यकारी कानुन जारी गर्ने प्रतिवद्धता जनाएको छ।
आगामी चुनावको घोषणापत्र सार्वजनिक गर्दै कांग्रेसले सो प्रतिवद्धता जनाएको हो।
‘अव्यवस्थालाई सुव्यवस्थामा बदल्ने हाम्रो प्रतिबद्धता हरेक सार्वजनिक निकायका अधिकारीहरूले प्रत्येक वर्ष सम्पत्ति विवरण सार्वजनिक गर्ने वाध्यकारी कानून जारी गर्ने छौं,’ कांग्रेसले घोषणापत्रमा भनेको छ।
जनसरोकार एवं सेवा प्रवाहसम्वन्धी तीनै तहका सरकारका कार्यालयमा हुँदै आएका विकृति–विसंगति, भ्रष्टाचार, ढिलासुस्ती र झण्झटिलो अवस्थाको अन्त्य गरी प्रभावकारी, कार्यमूलक र सेवामुखी बनाउँदै आधुनिक प्रविधिको प्रयोग गरी सरल, सहज र छिटोछरितो सेवा उपलब्ध गराउने पनि कांग्रेसले घोषणापत्रमा उल्लेख गरेको छ।
Shares
प्रतिक्रिया