युनिकोड
नेकपा माओवादी केन्द्रका अध्यक्ष पुष्पकमल दाहाल प्रचण्डले नेपालमा संघीयता र गणतन्त्र सम्भव छैन भन्नेहरुसँग अहिले पनि संघर्ष भइरहेको बताएका छन्।
सत्ता गठबन्धनले सोमबार काठमाडौंमा आयोजना गरेको बागमती प्रदेशस्तरीय कार्यकर्ता प्रशिक्षण कार्यक्रमलाई सम्बोधनका क्रममा उनले यसो भनेका हुन्।
'नेपालमा संघीयता र गणतन्त्र सम्भव छैन राजतन्त्र फ्याँक्न सकिँदैन भन्ने हरु पनि थिए', नेकपा एमालेका अध्यड्ढक्ष केपी शर्मा ओलीतिर लक्षित गर्दै उनले भने, 'तिनीहरुको राजावादी र सामान्तवादीसँग उठबस छ। गोरुगाडावाला सिद्धान्त भएका मान्छेले पनि संविधान स्वीकारे भनेका थियौँ। तर नकाव लगाए जस्तो गरेर गणतन्त्र र संघीयता स्वीकारेको रहेछन्।'
उनले कम्युनिष्टहलाई एक ठाउँमा पार्ने भनिए पनि ओलीले छलछाम गरेर भाँडिएको बताएका छन्।
'यथास्थितिवादीहरुले संघीयता गणतन्त्र र लोकतन्त्र उल्ट्याउन खोजे', उनले भने, 'मंसिर ४ मा दुई विचारको भिडन्त हुँदैछ, महासंग्राम हुँदैछ।'
दाहालले नेकपा रहँदा दुईतिहाइ बहुमत आफूहरुको पक्षमा पारेर ओलीलाई दलको नेता र पार्टीबाट पनि निकालेको स्मरण गरे। तर ओलीसँग अझै पनि संघर्ष चलिरहेको उनले बताएका छन्।
प्रतिक्रिया