युनिकोड
नेकपा एमालेका सांसद गोकुल बास्कोटाले नागरिकताको विषय रंग बदलेर आएको टिप्पणी गरेका छन्।
प्रतिनिधिसभाको शुक्रबारको बैठकमा जारी नागरिकता विधेयकमाथिको छलफलमा भाग लिँदै बास्कोटाले उक्त कुरा बताएका हुन्।
उनले दलहरु मौसम बद्लिए जस्तो बदलिन नहुने पनि उनले बताए।
‘नागरिकतको विषय रंग बदलेर आयो। मौसम बदलेजस्तो बदलिन हुँदैनथ्यो, बास्कोटाले भने, ‘सत्ताको चास्नीले नागरिकताजस्तो विषयको रंग बदल्यो। हामी कसैले पनि वास्तविक नागरिकलाई नागरिकता दिन हुँदैन भनेका छैनौं।’
उनले जन्मको आधारमा नागरिकता पाउने कुरा एकपटक हुने भन्दै पटक पटक नहुने बताए।
‘तर जन्मको आधारमा पाउने कुरा एकपटकमा एकपटक हुन्छ। कुनै पनि देशमा। या त राज्य गठन भएको अवस्थामा हुन्छ,’ उनले भने, ‘त्यसबेला पहिलोपटक जारी गरेको कानुनका आधारमा हुन्छ। जन्मका आधारमा भन्ने हुँदैन।’
प्रतिक्रिया