युनिकोड
जनता समाजवादी पार्टी (जसपा)को उपेन्द्र यादव पक्षमा बहुमत पुगेको छ।
संघीय परिषद् अध्यक्ष डा. बाबुराम भट्टराईसँग विवादको कारण फुट हुन लागेको जसपाको काठमाडौं र वीरगञ्जमा अलग अलग बैठक भइरहेका छन्।
डा. भट्टराई पक्षको मंगलबारदेखि केन्द्रीय समितिको विस्तारित बैठक काठमाडौंमा जारी छ।
अध्यक्ष उपेन्द्र पक्षको बुधबारदेखि पर्साको वीरगञ्जमा बैठक सुरु भएको हो।
बैठकमा २ सय ६४ केन्द्रीय सदस्य उपस्थित भएको कार्यकारिणी सदस्य मोहम्मद इस्तियाक राईले बताए।
भट्टराई निकट भनेर चिनिएका राई दुई हप्ताअघि जसपाबाट मन्त्री बनाइएपछि उपेन्द्रतिर खुलेको चर्चा छ। जसपाको ४ सय ९९ केन्द्रीय सदस्य छन्।
‘उपेन्द्र पक्षमा बहुमत पुगेको राईले बताए। अहिलेसम्म वीरगञ्जमा केन्द्रीय सदस्य २ सय ६४ को हस्ताक्षर भयो,’ राईले भने।
उपेन्द्रको बैठक बिहीबारसम्म जारी रहनेछ।
प्रतिक्रिया