राजनीति


वरिष्ठ अधिवक्ता पन्त भन्छन्– विश्व पोखरेल आईजीपी हुनलायक छैनन्

वरिष्ठ अधिवक्ता पन्त भन्छन्– विश्व पोखरेल आईजीपी हुनलायक छैनन्

फाइल तस्बिर


नेपालखबर
असार १९ , काठमाडौँ

वरिष्ठ अधिवक्ता सुशील पन्तले एआईजी विश्व पोखरेल आईजीपी हुनलायकको नरहेको बताएका छन्। 

आइतबार सर्वोच्च अदालतमा बहसका क्रममा उनले पोखरेललाई गैरजिम्मेवार र व्यक्तिकेन्द्रित भएको बताएका हुन्। 

पोखरेल आफैँले चुनावअघि कसैलाई पनि विदा नदिने भनेर सर्कुलर गरे पनि १९ गतेदेखि आफैँ घरविदामा बसेको वरिष्ठ अधिवक्ता पन्तले बताए। 

उनले भने, ‘अहिले विदा सकिएपछि पनि कार्यालय गएनन्, धिरज सिंहले चाहेको भए त्यतिबेला तत्काल विदा खारेज गरेर कार्यालय बोलाउन सक्थे।’

तर उनले त्यसो नगरेको उनको भनाइ छ। 

सरकारले पोखरेललाई आईजीपी बनाएको भए भोलिका दिनमा कति जिम्मेवार हुने रहेछन् भन्ने यसले पुष्टि गरेको उनले बताए। 

‘तालुक कार्यालयको पत्र समेत बुझ्दैनन्, उनले पत्र नबुझेपछि प्रतिवेदन उठाउनुपरेको स्थिति छ, अहिले देशमा बाढी पहिरोको अवस्था व्याप्त छ, उनीचाहिँ अटेर गरी कार्यालयमा हाजिर भएका छैनन्’, पोखरेलको नियतमाथि प्रश्न उठाउँदै पन्तले थपे, ‘उनी प्रदेश समन्वयको चिफ हुन्। विदा उनको अधिकार हो र प्रहरी संगठन र देश महत्वपूर्ण रहेछ कि आफ्नो पद महत्वपूर्ण रहेछ भन्ने यसबाट प्रस्ट हुन्छ।’ 

उनले पोखरेलमा प्रहरीको मर्यादा र जिम्मेवारीबोध नै नभएको बताए। 

उनलाई आईजीपी बनाउन गृह मन्त्रालयको प्रस्ताव नै नभएको बताउँदै वरिष्ठ अधिवक्ता पन्तले सर्वोच्च अदालतले अहिलेको निर्णय बदर गरे पनि उनी आईजीपी हुन नसक्ने जिकिर गरे। ‘किनकि उनले गृह मन्त्रालयको प्रस्ताव खारेजीको मागै गरेका छैनन्’, उनले भने।  

पोखरेलले मन्त्रिपरिषद्लाई पनि विपक्षी नबनाएको बताउँदै आईजीपी बन्ने अपेक्षा सबैको हुनसके पनि निर्णय भइसकेपछि अरुको अपेक्षालाई वैध मान्न नसकिने तर्क गरे। 

प्रहरी नियमावलीमा नै एआईजीमध्येबाट आईजीपी बनाउने भनेको उल्लेख गर्दै उनले एक महिनापहिले वा १७ महिनापहिले भन्ने कुरा नै नभनेको बताए।  

सरकारको निर्णय के कारणले बदनियत भयो भन्ने पोखरेलले खुलाउन नसकेको पन्तले उल्लेख गरे। 

उनको बहस जारी छ। अहिले चिया ब्रेक भएको छ। यसपछि फेरि पन्तले नै बहसलाई निरन्तरता दिनेछन्। यसअघि वरिष्ठ अधिवक्ता भीमार्जुन आचार्यले आईजीपी बढुवाको पक्षमा लामो बहस गरेका थिए।  

असार १९, २०७९, आइतबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
सुरेन्द्र रिजाल
निर्देशक, अटो संस्करण
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.