नेत्रविक्रम चन्द नेतृत्वको नेपाल कम्युनिस्ट पार्टीका पूर्व पोलिटब्युरो सदस्य कृष्ण धमला ‘गम्भीर’ले पार्टी परित्याग गरेका छन्।
केही समयअघि पक्राउ परेका नेता धमला सो समूहभित्र प्रभावशाली नेताको रुपमा चिनिन्थे। धमलामाथि पार्टीको गोपनीयता खोलेको आरोपमा नेकपाले कारबाही गरेको थियो।
उनले मंगलबार विज्ञप्ति जारी गर्दै पार्टीको पछिल्लो योजना र समग्र विषयमा असहमत भएकाले पार्टी छाडेको बताएका छन्।
उनले आगामी दिनमा स्वतन्त्र वामपन्थीको रुपमा क्रियाशील रहने बताएका छन् । ‘राष्ट्रियता, जनतन्त्र र जनजीविकाको आन्दोलनमा निरन्तर लागि रहने’ उनको भनाइ छ।
प्रतिक्रिया