कर्मचारी युुनियनको महाधिवेशन फागुन २१ देखि

नेपाल निजामती कर्मचारी युुनियनको नयाँ नेतृत्व चयनका लागि यही फागुनको २१ गतेदेखि २३ गतेसम्म महाधिवेशन हुने भएको छ।

गत माघ ८–१० मै गर्ने भनिएको महाधिवेशन कोरोना महामारीका कारण रोकिएको थियो। सम्पूर्ण तयारी पूरा भएको जनाएको युनियनले कोरोना संक्रमण बढ्दै गएकाले प्रशासनले भीडभाड हुने कार्यक्रममा रोक लगाएपछि महाधिवेशन स्थगन गरेको थियो। 

अहिले अवस्था सहज भएकाले फागुन २१–२३ का लागि महाधिवेशन तय गरिएको युनियनले जनाएको छ। 

आइतबार बसेको युनियनको भर्चुअल बैठकले महाधिवेशनको मिति तय गरको उपमहासचिव दुर्गाप्रसाद फुयाँलले जानकारी दिए। युनियनको वर्तमान कार्यसमितिको म्याद चैत्रसम्म मात्र भएकाले स्वास्थ्य मापदण्ड पालना गरेर महाधिवेशन गर्ने तयारी गरेको जनाइएको छ।