युनिकोड
प्रधानमन्त्री शेरबहादुर देउवाले एक वर्षभित्र तीनै तहको निर्वाचन गर्नु सरकारको दायित्व रहेकाले सहयोगको लागि सबैसँग आग्रह गरेका छन्।
सरकार गठन भएको ६ महिना बितेपछि सरकारी सञ्चार माध्यम नेपाल टेलिभिजनमार्फत राष्ट्रका नाममा सम्बोधन गर्दै उनले एक वर्षभित्रै स्थानीय, प्रदेश र संघीय संसदको निर्वाचन गर्नुपर्ने दायित्व सरकारको भएको भन्दै निर्वाचनका लागि आवश्यक तयारी पूरा गर्न सबैलाई आग्रह गरेका हुन्।
‘एक वर्षभित्रै ३ तहको निर्वाचन गर्नुपर्ने दायित्व सरकारसँग रहेको छ,’ प्रधानमन्त्री देउवाले भने, ‘निर्वाचनका पूर्वतयारीका कामहरु सम्पन्न गर्न म सम्बन्धित सबैसँग अनुरोध गर्दछु।’
उनले संसदमा रहेका दलहरुसँगको संवाद र सहमतिका माध्यमबाट संसदको गतिरोध अन्त्य गरेर विचाराधीन विषयलाई निष्कर्षमा पुर्याइने पनि बताए।
उनले दलहरूसँगको संवाद र सहमतिका माध्यमबाट संसदको गतिरोध अन्त्य गरेर विचाराधीन विषयलाई निष्कर्षमा पुर्याइने बताएका हुन्।
‘संसदमा रहेका सबै राजनीतिक दलहरुसँगको संवाद र सहमतिका माध्यमबाट संसदको गतिरोध अन्त्य गरी विचारधिन विषयलाई निष्कर्षमा पुर्याइने छ,’ प्रधानमन्त्री देउवाले भने।
प्रतिक्रिया