युनिकोड
सत्तारुढ दखल नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठले भारतको अतिक्रमण र थिचोमिचो नेपालले स्वीकार नगर्ने बताएका छन्।
भारतले नेपालको लिपुलेक, कालापानी लगायतका भूभागलाई आफ्नोतर्फ पार्दै नयाँ नक्सा सार्वजनिक गरेपछि त्यसको सर्वत्र विरोध भइरहेका समयमा पूर्व परराष्ट्रमन्त्री समेत रहेका श्रेष्ठले यस्तो बताएका हुन्।
भारततर्फ संकेत गर्दै उनले छिमेकी उपनिवेशमा हुँदा समेत नेपाल सार्वभौम रहेको बताएका छन्। उनले नेपालको राष्ट्रियता, राष्ट्रिय स्वासिधनता र सार्वभौमिकतामा सम्पूर्ण नेपाली एकजुट रहेको समेत प्रस्ट पारेका छन्।
‘विश्वमा साम्राज्यवादी उपनिवेशवाद हावी हुँदा र छिमेकी देशहरु उपनिवेश हुँदासमेत कहिल्यै कसैको प्रत्यक्ष उपनिवेश नभै सार्वभौम र स्वतन्त्र रुपमा ठिंग खडा भएको देश हो नेपाल’, प्रवक्ता श्रेष्ठले सामाजिक सञ्जाल ट्वीटरमा ट्विट गर्दै भनेका छन्’, ‘भारत वा कसैको पनि अतिक्रमण वा थिचोमिचो हामी किमार्थ स्वीकार्दैनौं।यसमा हामी एक र अबिचल छौ।सबैले राम्ररी बुझोस्।’
बिश्वमा साम्राज्यवादी उपनिवेशवाद हावी हुँदा र छिमेकी देशहरु उपनिवेश हुँदा समेत कहिल्यै कसैको प्रत्यक्ष उपनिवेश नभै सार्वभौम र स्वतन्त्र रुपमा ठिङ्ग खडा भएको देश हो नेपाल।भारत वा कसैको पनि अतिक्रमण वा थिचोमिचो हामी किमार्थ स्विकार्दैनौं।यसमा हामी एक र अबिचल छौ।सबैले राम्ररी बुझोस्
— NKShresthaPrakash (@nksthaprakash) November 8, 2019
भारतले पछिल्लोपटक सार्वजनिक गरेको नक्सामा नेपालको लिपुलेक, लिम्पियाधुरा र कालकापानीको केही भूभाग आफ्नोमा समावेश गरेको छ। त्यसको चौतर्फि विरोध हुँदै आएको छ।
सरकारले यसअघि नै कालापानी क्षेत्र आफ्नो भएको प्स्ट पारेको छ।
प्रतिक्रिया