नेपाली कांग्रेसको लुम्बिनी प्रदेश अधिवेशन अन्तर्गत जारी मतगणनामा संस्थापन इतर पक्षका अमर पुनले अग्रता कायमै राखेका छन्।
४ सय ७८ मत गणना हुँदा पुनले २ सय ९५ मत प्राप्त गरेका छन्। संस्थापन पक्षका भरतकुमार शाहले १ सय ७८ मत प्राप्त गरेका छन्।
अन्य पदमा पनि पुनकै प्यानल अगाडि छ। उपसभापतिमा पुन प्यानलका अष्टभुजा पाठकले २७६, भुवनप्रसाद श्रेष्ठले २८३, शाह पक्षका राजु खनालले १९३ र सुधाकर पाण्डेले १४९ मत ल्याएका छन्।
महामन्त्रीमा पुन प्यानलका विक्रम खनालले २९३, सुरेन्द्रराज आचार्यले २८३, शाह प्यानलका जन्मजय तिमिल्सिनाले १६० र खिमानसिंह रायमाझीले १५४ मत प्राप्त गरेका छन्।
महिला तर्फको सहमहामन्त्रीमा निमा गिरिको २७० र सरिता चौधरीको १६२ तथा खुल्ला तर्फको सहमहामन्त्रीमा खगराज पाण्डेको २६२, विष्णु मुस्कानको २९१, माया पुनको १७७ र लक्ष्मीनारायण शाहको १६० मत आएको छन् ।
प्रदेश अधिवेशन अन्तर्गत हिजो भएको मतदानको गए रातिबाट मतगणना सुरु गरिएको हो।
Shares
प्रतिक्रिया