युनिकोड
नेपाली कांग्रेसको संस्थापन इतर समूहले सर्लाही जिल्ला अधिवेशनका लागि खटिएका निर्वाचन अधिकृताथि कुटपिट गरेको छ।
सांसद डा. अमरेशकुमार सिंहको नेतृत्वको इतर समूहको टोलीले पार्टी कार्यालयमा जिल्ला निर्वाचन अधिकृत दिवाकर पाण्डेयलाई कुटपिट गरेको हो।
सांसद सिंह, पूर्वसभापति लक्ष्मण राय यादव र सचिव नवीन अधिकारीको टोलीले निर्वाचन अधिकृत पाण्डेयमाथि पार्टी कार्यालयमै कुटपिट गरेको सर्लाही कांग्रेसका सभापति नागेन्द्रकुमार रायले जानकारी दिए।
जिल्ला सभापति रायले निर्वाचन अधिकृतमाथि नै कुटपिट हुँदा पनि स्थानीय प्रहरी–प्रशासन मुकदर्शक बनेको आरोप लगाए।
‘प्रहरीले असक्षमता देखायो। कुनै सहयोग गर्न सकेन,’ उनले भने, ‘मन्त्री विरेन्द्रकुमार सिंह र निर्वाचन अधिकृत भित्रै हुनुहुन्छ। सीडीओ र एसपीले कुटपिट गर्नेलाई नसमात्न लगाए न हामीलाई सहयोग गरे।’
सभापति रायले कुटपिट गरिएका निर्वाचन अधिकृतको स्वास्थ्य अवस्थाका बारेमा भने विस्तृत जानकारी दिएनन्।
पाण्डेय सर्लाही जानु अघि केन्द्रीय निर्वाचन समितिले महाधिवेशन प्रक्रिया सुरु गर्न खटाएका जिल्ला निर्वाचन अधिकृत विनोद कार्कीले राजीनामा दिएका थिए।
कात्तिक २६ गते उनले राजीनामा दिएपछि सर्लाहीमा अधिवेशन गर्ने जिम्मेवारी पाण्डेलाई दिइएको थियो।
प्रतिक्रिया