देउवाको शपथ साँझ ६ बजे

प्रधानमन्त्रीको रुपमा नेपाली कांग्रेसका सभापति शेरबहादुर देउवाले आज साँझ ६ बजे शपथ गर्ने भएका छन्।

प्रधानमन्त्रीको रुपमा देउवालाई आज ६ बजे शपथ गराउने राष्ट्रपति विद्यदेवी भण्डारीका स्वकीय सचिव भेषराज अधिकारीले बताए।

सोमबार सर्वोच्च अदालतले आज ५ बजेभित्र देउवालाई प्रधानमन्त्रीमा नियुक्त गर्न परमादेश जारी गरेको थियो।

५ बजे अघि नै प्रधानमन्त्रीमा नियुक्त गरेर साँझ ६ बजे शपथ गराउनेगरी राष्ट्रपति कार्यालयले तयारी गरेको हो।