चिनियाँ राष्ट्रपति सी चिनफिङको स्वागतका लागि काठमाडौँ उपत्यकाका सडक र त्यस आसपासका संरचनाहरु सिँगारने क्रम तीव्र गतिमा अगाडि बढेको छ।
सडक आसपास फलफूलका विरुवा रोप्नेदेखि कला, संस्कृति झल्कने खालका पोस्टरहरु राख्ने काम जारी रहेको छ। त्यस्तै बिजुलीका पोलहरुमा राष्ट्रपति विद्यादेवी भण्डारी र चिनियाँ समकक्षी सी चिनफिङका पोस्टहरु समेत टाँगिएको छ।
राष्ट्रपति सी आउने रुटमा सरकारले बाटो पिच गरी खाल्डाखुल्डी पुर्ने काम गरिरहेको छ भने सडक र त्यसआसपासमा रङरोगन गर्ने कार्य पनि तीव्र गतिमा अगाडि बढेको छ।
यो काम विशेष गरेर राष्ट्रपति सी यहाँ हिँड्ने रुटमा भइरहेको छ।
प्रतिक्रिया