युनिकोड
नेकपा एमाले निकट भ्रातृ संगठन युवा संघ र अनेरास्ववियूले काठमाडौंको भृकुटीमण्डपमा राँके जुलुस निकालेको छ।
भोलि (मंसिर ७) गते आह्वान गरिएको वृहत् प्रदर्शन सफल पार्नका लागि बुधबार प्रदर्शनीमार्गस्थित ‘नेपाल ल क्याम्पस’ अगाडी राँके जुलुस निकालिएको हो।
प्रदर्शनमा सहभागीहरूले मंसिर ७ गतेको कार्यक्रम सफल पार्न भन्दै नारा लगाएका थिए।
मंसिर ७ गतेको प्रदर्शनको सफलता आह्वान गर्दै सो मसाल जुलस निकालिएको युवा संघका इन्चार्जसमेत रहेका पोलिटब्यूरो सदस्य महेश बस्नेतले बताएका छन्।
मंसिर ७ गते युवा संघले प्रदर्शन गर्दैछ। मेडिकल व्यवसायी दुर्गा प्रसाईं र युवा संघको कार्यक्रम एकैदिन परेपछि काठमाडौं जिल्ला प्रशासनले विभिन्न क्षेत्रमा निषेधाज्ञा जारी गरेको छ।
सो दिन हुनसक्ने सम्भावित घटनाका बारेमा सचेत हुँदै प्रशासनले नयाँ बानेश्वर, माइतीघर मण्डल, बालुवाटार र शीतलनिवास क्षेत्रमाा निषेधाज्ञा जारी गरेको हो।
तस्बिरहरूः
प्रतिक्रिया