मुलुकको वाह्य अवस्था संकटमा

मुलुकको वित्तिय सन्तुलनको अवस्था नाजुक बन्दै गएको देखिएको छ।

मुलुक भित्रिने आयभन्दा बाहिरिने रकम बढी हुँदा शोधनान्तर स्थिति संकटपूर्ण देखिएको खबर आजको कारोबार दैनिकले छापेको छ।

चालु आर्थिक वर्षको १० महिना अर्थात वैशाखसम्ममा मुलुकको शोधनान्तर घाटा अघिल्लो वर्षको सोही अवधिको तुलनामा ४९ अर्ब २७ करोड रुपैयाँले बढेर ६८ अर्ब २० करोड रुपैयाँ पुगेको छ।

गत आवको वैशाखसम्ममा मुलुकको शोधनान्तर स्थिति १८ अर्ब ९३ करोड रुपैयाँले मात्र घाटामा रहेको थियो।

अमेरिकी डलरमा शोधनान्तर स्थिति अघिल्लो वर्षको १० महिनामा १८ करोड ४८ लाखको घाटामा रहेकोमा समीक्षा अवधिमा ६० करोड २ लाखले घाटामा रहेको नेपाल राष्ट्र बैँकले जनाएको छ।