कविता : आ! गर्मी नै राम्रो!

यही गर्मीमा मिहिनेतकसहरु 
रिक्साका पाइडलसँग 
बेल्चा , गैँची र कोदालीसँग 
पसिनाको स्नान गरेर 
दुई पाङ्ग्रा रोटीमै 
सौदा गर्छन् गर्मीको! 

कुनै पनि ब्युटी कन्टेस्टमा 
सहभागी हुन नपाउने 
तर संसारकै सुन्दर मानिस किसानले , मजदुरले 
श्रमको पसिना प्रदर्शन गरिरहेको 
मानो रोपेर मुरी पर्खिरहेको 
श्रममय गर्मी नै राम्रो! 

पसिनाको जल राम्रो! 
मिहिनेतको फल राम्रो! 
गरिबलाई कक्र्याएर मार्ने जाडोभन्दा कैयौँ गुना बढी असार बोकी आउँने गर्मी नै राम्रो! 

२०८२ असार १२