युनिकोड
मोरङ निर्वाचन क्षेत्र नम्बर ६ का उम्मेदवार नेपाली कांग्रेसका नेता डा शेखर कोइरालाले मंगलबार अठोटपत्र सार्वजनिक गरेका छन्।
त्यसमा उनले प्रमुख ८ बुँदामा आफ्ना प्रतिबद्धता उल्लेख गरेका छन्।
जुन यस्ता छन्:
१️. बलियो लोकतन्त्र र संविधानको पूर्ण कार्यान्वयन लोकतन्त्र भावनाले मात्र टिक्दैन, संस्थाले टिक्छ।
* संविधान संसोधन र पूर्ण कार्यान्वयनका लागि संसदमा सक्रिय भूमिका
* संघीयता सुदृढीकरण र अधिकारको स्पष्ट कार्यान्वयन
* नागरिक स्वतन्त्रता, प्रेस स्वतन्त्रता र विधिको शासनको रक्षा
* सार्वजनिक संस्थाहरूको राजनीतिक दुरुपयोग रोक्ने पहल
* नीति निर्माणमा नागरिक सहभागिता प्रणाली
* सबै जातजातिको आस्था, धर्म, कला, संस्कृति र परम्पराको संरक्षण
सन्देश: ‘लोकतन्त्र सुरक्षित भए मात्रै विकास दिगो हुन्छ।’
२️. औद्योगिक पुनर्जागरण र रोजगारी सिर्जना मोरङ ६ : उद्योगको ऐतिहासिक आधार।
* बन्द/कमजोर उद्योग पुनः सञ्चालन नीति
* साना तथा मझौला उद्योग (एसएमई) लाई कर सहुलियत
* विराटनगर विमानस्थल लाई क्षेत्रीय विमानस्थलमा स्तरोन्नति
* गुद्री बजारलाई पीपीई मोडलमा विकास गर्ने
* उद्योग-शिक्षा सहकार्य (इन्टर्नसिप-जब पाइपलाइन)
* स्थानीय युवालाई रोजगार प्राथमिकता नीति
* विराटनगरलाई विशेष आर्थीक क्षेत्र (एसईजेड) का रूपमा विकास गर्ने
* उत्पादनमुखी लगानी आकर्षण
* स्थानीय हाट बजारलाई वैज्ञानिकीकरण गर्ने
सन्देश: ‘रोजगारीका लागि विदेश होइन, आफ्नै क्षेत्र’
३️. बाढी-डुबान समाधान र सुरक्षित पूर्वाधार हर वर्षको पीडा → स्थायी समाधान।
* बुढीखोला, केशलिया, सिंघिया र गछियालगायत नदीहरूको दीर्घकालीन गुरुयोजना
* तटबन्ध निर्माण
* वैज्ञानिक ड्रेनेज र ढल निकास प्रणाली
* वर्षा पानी व्यवस्थापन
* गिरिजाप्रसाद कोइराला क्रिकेट रंगशालाको पूर्णता
* विपत्का लागि पूर्वसूचना प्रणाली विस्तार
सन्देश: बाढी नियन्त्रण : जीवन र सम्पत्तिको सुरक्षा
४️. जलवायुमैत्री कृषि र किसान संरक्षण किसानलाई सहानुभूति होइन, प्रणाली चाहिन्छ।
* जलवायु अनुकूल बिउ र प्रविधि
* ड्रिप/स्प्रिंकलर सिँचाइ प्रवर्द्धन
* मल, बिउ, बजार सुनिश्चितता
* कृषि उत्पादन → प्रशोधन उद्योग जोड्ने नीति
* कृषि बिमा विस्तार
* बाँझो जमिन उपयोग कार्यक्रम
* जैविक खेती प्रोत्साहन
सन्देश: किसानको पसिना : अर्थतन्त्रको मेरुदण्ड
५️. शिक्षा सुधार र सिप-आधारित अवसर डिग्री मात्र होइन।
* डिजिटल कक्षा र स्मार्ट शिक्षण
* प्राविधिक/व्यावसायिक शिक्षा विस्तार
* सिप-रोजगारी समन्वय कार्यक्रम
* उच्च शिक्षा नपाएकाका लागि सिपमूलक कार्यक्रम
* सरकारी विद्यालयको स्तरोन्नति
* छात्रवृत्ति र समावेशी शिक्षा
* मदरसा/गुरुकुल स्तरोन्नति
सन्देश: सिप भएको युवा बेरोजगार हुँदैन
६️. स्वास्थ्यमा सहज पहुँच र भरोसा स्वास्थ्य सेवा : आधारभूत अधिकार।
* सरकारी अस्पतालको स्तरोन्नति
* सहुलियतमा उपचार व्यवस्थापन
* प्राथमिक स्वास्थ्य सेवा सुदृढीकरण
* स्वास्थ्य बिमा व्यवस्थित कार्यान्वयन
* मातृ-शिशु स्वास्थ्य कार्यक्रम
* नियमित निःशुल्क स्वास्थ्य शिविर
सन्देश: स्वास्थ्यमा पहुँच : सम्मानित जीवन
७️. प्रविधि, डिजिटल सेवा र युवा सशक्तीकरण भविष्य डिजिटल छ - तयारी आजै।
* स्थानीय आईटी हब स्थापना
* स्टार्टअप कोष र सहुलियत ऋण
* कोडिङ, एआई, डिजिटल सिप तालिम
* डिजिटल रोजगारी सिर्जना
सन्देश: डिजिटल नेपाल स्थानीय तहबाट
८️. सुशासन, पारदर्शिता र सामाजिक सुरक्षा विकास भ्रष्टाचारमा डुब्यो भने जनता डुब्छन्।
* भ्रष्टाचारविरुद्ध शून्य सहनशीलता
* डिजिटल सार्वजनिक सेवा प्रणाली
* जनगुनासो दर्ता/समाधान कक्ष
* सहकारी सुधार र बचत सुरक्षा
* महिला उद्यमशीलता कार्यक्रम
* युवा उद्यमशीलता कोष
* ज्येष्ठ नागरिक/अपाङ्गता सेवा विस्तार
सन्देश: सुशासनबिना समृद्धि सम्भव छैन
प्रतिक्रिया