युनिकोड
‘जेनजी’ आन्दोलनका क्रममा घाइतेका लागि काठमाडौँ उपत्यकामा रगतको चरम अभाव भएपछि नेपाल रेडक्रस सोसाइटी झापा शाखाले ७१ पाउन्ड रगत त्यहाँ पठाएको छ।
नेपाल रेडक्रस सोसाइटी झापा शाखा सभापति लोकराज ढकालका अनुसार बुद्ध एयरको आज बिहान ७ः१५ बजेको उडानमार्फत रगत पठाइएको हो।
काठमाडौँमा सोमबार ‘जेनजी’ले गरेको आन्दोलनका क्रममा घाइते भएकाहरूको उपचारका लागि रगत अभाव हुन नदिन झापाबाट रगत काठमाडौँ पठाइको सभापति ढकालले जानकारी दिए।
जेनजीले सोमबार झापामा समेत आन्दोलन गरेका थिए। सो क्रममा दमकमा केही युवा घाइते भएका थिए।
प्रतिक्रिया