कोसी प्रदेश सभामा आगजनी, मोरङका एक दर्जन बढी कार्यालयमा आगो लगाए

कोसी प्रदेश सभामा प्रदर्शनकारीहरूले आगो लगाएका छन्। कोसी प्रदेश सभामा प्रवेश गरेका जेनजी युवा आक्रोशित हुँदै उनीहरूले प्रदेश सभा भित्रै आगजनी गरेको हो।  

केहीबेर टियर ग्यास र हवाइ फायर गरेको प्रहरीले अवस्थालाई नियन्त्रणमा लिन नसक्दा प्रदर्शनकारीहरू प्रदेश सभाभित्र प्रवेश गरेर आगो लगाएका हुन्। त्यस्तै प्रदर्शनकारीले इटहरी उपमहानगरपालिकाका मेयर हेमकर्ण पौडेलको घरमा आगो लगाएका छन्। 

आक्रोसित भएका प्रदर्शनकारीको ठूलो भिडले पौडेलको घरमा आगजनी गरेको हो। त्यस्तै प्रदर्शनकारीले विराटनगरको आन्तरिक राजस्व कार्यालय, रंगेली नगरपालिका, उर्लाबारी नगरपालिका, लेटाङ नगरपालिका, कानेपोखरी गाउँपालिका र पथरी शनिश्चरे नगरपालिकामा पनि आगो लगाइएको छ।