दुहबीको कवाडी गोदाममा आगलागी

सुनसरीको दुहबी नगरपालिका-३ स्थित कोसी लोकमार्ग छेउमा रहेको एक कवाडी गोदाममा आगलागी भएको छ। 

साँढे २ बजेदेखि भएको आगलागीबाट गोदाममा रहेका सामग्री जलेर नष्ट भएको प्रहरीले जनाएको छ। क्षतिको पूर्ण विवरण आउन बाँकी छ।

आगो लागेपछि दुहबी, ईनरूवा, रामधुनी, कोशी, इटहरी लगायतका ५ वटा दमकलले नियन्त्रणमा लिने काम गरिरहेका जिल्ला प्रहरी कार्यालय सुनसरीका डिएसपी योगराज खतिवडाले जानकारी दिए। 

दमकलहरूले आगो नियन्त्रणमा लिने काम भईरहेको छ। दमकल, सुरक्षाकर्मी र स्थानीयवासीको सहयोगमा आगो फैलिन नपाउँदै नियन्त्रणको प्रयास भईरहेको प्रहरीले जनाएको छ।

कवाडी गोदाममा रहेको फलाम, प्लास्टिक र अन्य ज्वलनशील वस्तुले आगो तीव्र गतिमा फैलिएको थियो। आगलागीको कारण नखुलेको प्रहरीले जनाएको छ।