युनिकोड
डोल्पा जिल्लाको त्रिपुरासुन्दरी नगरपालिका वडा नम्बर ५ को वडाध्यक्षका लागि भएको उपनिर्वाचनमा ३०३ जनाले मतदान गरेका छन्। दिउँसो ३ बजेसम्म ३०३ जनाले मतदान गरेको सहायक निर्वाचन अधिकृत हरिगोपाल ज्ञवालीले जानकारी दिए।
उनका अनुसार दिउँसो ३ बजेसम्म मतदान गर्ने ३०३ मतदाता मध्ये १५८ महिला १४५ पुरुष रहेका छन्। यहाँ जम्मा ३ सय ५३ जना मतदाता रहेका छन्।
डोल्पामा चिसोका कारण बिहान करिब ८ बजेबाट मतदान सुरु भएको थियो।
हालसम्म भयरहित वाततावरणमा मतदान प्रक्रिया जारी रहेको सहायक निर्वाचन अधिकृत ज्ञवालीको भनाइ छ।
यहाँ एक मतदानस्थल र एक मतदान केन्द्र तोकिएको छ। त्रिपुरासुन्दरी–५ को वडाध्यक्षका लागि चार जना उम्मेदवार चुनावी प्रतिस्पर्धामा छन्।
प्रतिक्रिया