युनिकोड
भारतस्थित केरलाको वायनाडमा गएको पहिरोमा बेपत्ताहरूको खोजी आज (शनिबार) पाँचौँ दिन पनि जारी छ।
भारतीय सञ्चारमाध्यमका अनुसार अहिलेसम्म पहिरोमा परी मृत्यु हुनेको संख्या ३ सय ८ पुगेको छ।
केरलाका एडीजीपी (कानुन र व्यवस्था) एमआर अजित कुमारले खोजी जारी रहेको जनाउँदै आज थप एउटा शव फेला परेको जानकारी दिएका छन्।
उनले भने, ‘जिल्ला प्रशासनका अनुसार हालसम्म ४ सय जना बेपत्ता भएको जानकारी प्राप्त भएको छ, हामीसँग यसभन्दा बढी तथ्यांक छैन।’
पहिरोमा परी घाइते भएका ८४ जना वायनाड, कोझिकोड र मलाप्पुरमका विभिन्न अस्पतालमा उपचाररत छन् भने १८७ जना डिस्चार्ज भइसकेका छन्।
सेनाले पुन्चिरिमट्टम क्षेत्रमा अस्थायी पुल बनाएको छ ताकि त्यसबाट मेसिन पार गराई पहिरो प्रभावित क्षेत्रमा लगेर खोजी गर्न सकियोस्। वायुसेनाले प्रभावित क्षेत्रको हवाई सर्वेक्षण गरिरहेको छ।
चुरलमला क्षेत्रमा उद्धार तथा राहतको काम जारी छ। सुँघ्ने कुकुरको सहयोगमा शवको खोजी भइरहेको छ। भारतीय सेनाले खोजी र उद्धारलाई सहज बनाउन पञ्चिरिमट्टम क्षेत्रमा मेसिन लान अस्थायी पुल बनाइरहेको छ।
भिडिओ-
#WATCH | Kerala: Search and rescue operations in landslide-affected areas in Wayanad entered 5th day today. The death toll stands at 308.
— ANI (@ANI) August 3, 2024
Drone visuals from Bailey Bridge, Chooralmala area of Wayanad. pic.twitter.com/OQ7GpKvwND
एक परिवारका सबै सदस्यको सकुशल उद्धार
वायनाड पहिरोमा परेका एक परिवारका चारै सदस्यको सकुशल उद्धार गरिएको छ। पहिरोमा उनको घर बचेको थियो, तर बाँकी क्षेत्रसँग सम्पर्क टुटेको थियो, जसका कारण उनीहरू घरमै फसेका थिए। उद्धार गरिएकामा जोन केजे, जोमोल जोन, क्रिस्टिन जोन र अब्राहम जोन छन्।
४० दिनकी बालिकाको उद्धार
यस्तै वायनाडमा पहिरोमा परेका ४० दिनकी बालिका र उनका ६ वर्षीय दाइलाई उद्धार टोलीले सकुशल उद्धार गरेको छ। केरलाको वायनाड पहिरोमा परी एकै परिवारका ६ सदस्यको मृत्यु भए पनि ४० दिनकी अनारा र उनका ६ वर्षीय दाइ मोहम्मद हयान बाँच्न सफल भएका हुन्।
उद्धार टोलीका अनुसार अनारा र हयानलाई बचाउन उनकी आमा तन्जिरा घरको छतमा टाँसिरहेकी थिइन्। यसै क्रममा हयान अचानक पानीको तीव्र धारामा बगे। तर १०० मिटर पर पुगेर इनार नजिकैको तारमा झुण्डिए। अनि उनलाई उद्धार टोलीले बचायो।
भिडिओ-
#WATCH | Kerala: Indian Army jawans construct a temporary bridge for the machinery to pass through, to facilitate search and rescue operation. Visuals from Punchirimattom, Wayanad.
— ANI (@ANI) August 3, 2024
Search and rescue operation in landslide-affected areas in Wayanad, entered 5th day today. The… pic.twitter.com/FKrBiiI4qp
प्रतिक्रिया