युनिकोड
भारतको पश्चिम बंगालमा विधानसभा निर्वाचनअन्तर्गत आज बुधबार दोस्रो तथा अन्तिम चरणको मतदान भइरहेको छ। पश्चिम बंगालका बाँकी १४२ सिटका लागि बुधबार बिहान ७ बजेदेखि मतदान भइरहेको हो।
समाचार एजेन्सी पीटीआईका अनुसार दोस्रो चरणको चुनावमा कुल १ हजार ४४८ उम्मेदवार प्रतिस्पर्धामा छन्, जसमा २२० महिला छन्।
कोलकाता, हावडा, उत्तर र दक्षिण २४ परगना, नादिया, हुगली र पूर्वी बर्दवान जिल्लाका मतदान केन्द्रमा मतदातामा लाइनमा देखिएका छन्।
२०२१ मा टीएमसीले यी १४२ सिटमध्ये १२३ सिट जितेको थियो भने भाजपाले १८ सिट र आइएसएफले १ सिटमा मात्र विजय हासिल गरेका थिए।
यसअघि पश्चिम बंगालमा पहिलो चरणमा १५२ सिटका लागि अप्रिल २३ मा मतदान भएको थियो।
चुनावको नतिजा मे ४ मा घोषणा गरिनेछ।
प्रतिक्रिया