फ्रान्सको संसदीय चुनावको पहिलो चरणमा अति दक्षिणपन्थी पार्टी नेसनल र्यालीले ३३.१४ प्रतिशत मतका साथ ठूलो अग्रता लिएको छ।
आइतबार भएको निर्वाचनमा देखिएको अग्रताले नेसनल र्याली पार्टीका समर्थकमा खुसीको लहर छाएको छ।
बीबीसीका अनुसार अब आगामी आइतबार दोस्रो चरणको मतदान हुँदै छ। पहिलो मतदानको अवस्था हेर्दा फ्रान्समा अति दक्षिणपन्थी सरकार गठन हुने सम्भावना पनि देखिन्छ।
यसैबचि केही राजनीतिकर्मीले अति दक्षिणपन्थी उम्मेदवारलाई सत्तामा आउनबाट रोक्न मतदाताहरूलाई रणनीतिक मतदान प्रयोग गर्न आह्वान गरिरहेका छन्।
तर दोस्रो चरणको मतदानपछि कुनै एक दलले स्पष्ट बहुमत ल्याउँछ भन्ने अझै स्पष्ट भइसकेको छैन।
यसअघि फ्रान्सको राष्ट्रिय चुनावको पहिलो चरणमा अति दक्षिणपन्थी पार्टीले जित हासिल गरेको थिएन।
नेसनल र्याली पार्टीका नेता मारिन ले पेन र जोर्डन बर्डेला फ्रान्सको ५७७ सिट भएको राष्ट्रिय सभामा २८९ सिटसहित बहुमत ल्याउन चाहन्छन्।
फ्रान्सका वर्तमान राष्ट्रपति इमानुएल म्याक्रोनको केन्द्रवादी गठबन्धन २१ प्रतिशत मतका साथ तेस्रो स्थानमा आएको छ।
दोस्रो स्थानमा रहेको अति वामपन्थी नयाँ पपुलर फ्रन्टले करिब २८ प्रतिशत मत प्राप्त गरेको छ।
Shares
प्रतिक्रिया