युनिकोड
युक्रेनी राष्ट्रपति भोलोदिमिर जेलेन्स्कीले रुसी राष्ट्रपति भ्लादिमिर पुटिनले मस्कोको कन्सर्ट हलमा भएको आक्रमणका लागि आफ्नो देशलाई दोष दिन चाहेको आरोप लगाएका छन्।
शुक्रबार मस्कोको कन्सर्ट हलमा बन्दुकधारीले अन्धाधुन्ध गोली चलाउँदा १३३ जनाको मृत्यु भएको थियो। रुसी राष्ट्रपति पुटिनले आक्रमणमा संलग्न चार जनालाई पक्राउ गरिएको बताएका छन्।
जेलेन्स्कीले भने, ‘शुक्रबार मस्कोमा के भयो त्यो स्पष्ट छ। तर पुटिन र केही अन्य नराम्रा स्वभावका मानिसहरूले आक्रमणको दोष अरू कसैमाथि लगाउन खोजिरहेका छन्।’
वास्तवमा पुटिनले आक्रमणपछि आक्रमणकारी युक्रेनतर्फ दौडिरहेको बताएका थिए।
जेलेन्स्कीले रुसले सधैँ पुरानो चाल खेल्ने टिप्पणी गर्दै उसले कुनै पनि कुराको दोष जहिले युक्रेनलाई लगाउने दाबी गरे।
उनले भने, ‘यो आक्रमणपछि रुसी जनतालाई सान्त्वना दिनुको सट्टा पुटिन दिनभर मौन बसे। यो दोष युक्रेनलाई कसरी लगाउने भनेर सोचिरहे।’
प्रतिक्रिया