युनिकोड
विमान निर्माता कम्पनी एयरबसले आफ्ना हजारौँ विमानका लागि सफ्टवेयर अपडेटको घोषणा गरेको छ। यसको कारण तीव्र सौर्य विकिरण भएको बताइएको छ, जसले उडान नियन्त्रणका लागि आवश्यक डेटालाई ध्वस्त पार्न सक्छ।
बीबीसीका अनुसार यसले विश्वभरका लगभग ६ हजार विमानलाई असर पर्ने अनुमान गरिएको छ।
अमेरिकन एयरलाइन्स, डेल्टा, एयर इन्डिया र विजलगायत विश्वभरका धेरै एयरलाइन्सले यस सफ्टवेयर अपडेटबाट आफ्ना सेवा प्रभावित भएको रिपोर्ट गरेका छन्।
लन्डनको हिथ्रो विमानस्थलले भने आफ्नो उडान सञ्चालनमा असर नपर्ने बताएको छ। ग्याटविकले केही समस्या हुने अनुमान गरेको छ।
बेलायती यातायात मन्त्री हेइडी अलेक्ज्यान्डरले बेलायती एयरलाइन्सहरूमा पर्ने प्रभाव सीमित देखिएको बताएका छन्। उनले थप जानकारीका लागि यात्रुहरूलाई आफ्नो एयरलाइन्सलाई सम्पर्क गर्न सल्लाह दिएका छन्।
प्रतिक्रिया