युनिकोड
इजरायलको सुरक्षा मन्त्रिपरिषद्ले कब्जा गरिएको वेस्ट बैंकमा १९ वटा नयाँ बस्तीलाई मान्यता दिने निर्णय गरेको छ।
बीबीसीका अनुसार अति दक्षिणपन्थी नेता तथा अर्थमन्त्री बेजालेल स्मोट्रिचले रक्षामन्त्री इजरायल काट्जसँगै यो प्रस्ताव प्रस्तुत गरेका थिए। स्मोट्रिचले यो निर्णय प्यालेस्टिनी राज्यको स्थापना रोक्नसँग सम्बन्धित रहेको बताए।
बेजालेल स्मोट्रिच आफैँ त्यहाँ बसोबास गर्ने व्यक्ति हुन्।
कब्जा गरिएको वेस्ट बैंकमा इजरायली बस्तीहरूलाई अन्तर्राष्ट्रिय कानुनअन्तर्गत अवैध मानिन्छ।
साउदी अरेबियाले यो कदमको निन्दा गरेको छ।
संयुक्त राष्ट्रसंघका महासचिव एन्टोनियो गुटेरेसले इजरायलको बस्ती विस्तारले तनाव बढाइरहेको, भूमिमा प्यालेस्टिनीहरूको पहुँच सीमित गरिरहेको र सार्वभौम प्यालेस्टिनी राज्यको सम्भावनालाई जोखिममा पारिरहेको बताएका छन्।
अक्टोबर २०२३ मा गाजामा युद्ध सुरु भएयता कब्जा गरिएको वेस्ट बैंकमा हिंसा बढेको छ।
मे महिनाको सुरुमा इजरायलले कब्जा गरिएको वेस्ट बैंकमा २२ वटा नयाँ बस्तीलाई अनुमोदन गरेको थियो।
प्रतिक्रिया