युनिकोड
उत्तर प्रदेशको सोनभद्रमा रहेको ढुंगा खानीमा पर्खाल भत्किँदा धेरै मानिस पुरिएका छन्।
सोनभद्र जिल्ला मजिस्ट्रेट (डीएम) ले उनीहरूलाई उद्धार गर्ने प्रयास भइरहेको बताएका छन्।
बीबीसी हिन्दीका अनुसार डीएम बीएन सिंहले भने, ‘पर्खाल भत्किँदा केही मानिस पुरिएको रिपोर्ट आएको छ। प्रहरी र प्रशासन घटनास्थलमा उपस्थित छन्।’
उनले थपे, ‘अल्ट्राटेक, दुशन र ओब्रा पावर कर्पोरेसनमार्फत फसेका मानिसहरूलाई उद्धार गर्ने प्रयास भइरहेको छ। एनडीआरएफ र एसडीआरएफ टोली मिर्जापुरबाट प्रस्थान गरेका छन्।’
खानीमा फसेका मानिसहरूको संख्या र हताहतको संख्याबारे सोध्दा जिल्ला मजिस्ट्रेटले अहिले कुनै स्पष्ट जानकारी नभएको बताए।
समाचार एजेन्सी पीटीआईका अनुसार खानीमा लगभग १० जना फसेका छन्। एएनआईले भने खानीमा लगभग १५ जना फसेको उल्लेख गरेको छ।
प्रतिक्रिया