युनिकोड
अमेरिकाले बलुचिस्तान लिबरेसन आर्मी (बीएलए) र द मजिद ब्रिगेडलाई विदेशी 'आतंकवादी संगठन' घोषणा गरेपछि पाकिस्तान खुसी भएको छ।
पाकिस्तानले अमेरिकाको उक्त निर्णयको स्वागत गरेको हो।
पाकिस्तानको विदेश मन्त्रालयले मंगलबार सामाजिक सञ्जाल प्लेटफर्म एक्समा लेखेको छ, 'पाकिस्तानले २०२४ जुलाई १८ देखि मजिद ब्रिगेडलाई आतंकवादी संगठन घोषणा गरेको छ।'
विज्ञप्तिमा अगाडि भनिएको छ, 'बीएलए र मजिद ब्रिगेड पाकिस्तानमा भएका अन्य आतंकवादी आक्रमणमा पनि संलग्न छन्, जसमा जाफर एक्सप्रेस आक्रमण र खुजदार बस आक्रमण पनि पर्छन्।'
अमेरिकाले सोमबार बीएलए र द मजिद ब्रिगेडलाई 'विदेशी आतंकवादी संगठन' घोषणा गरेको हो।
२०१९ मा धेरै चरमपन्थी आक्रमणपछि अमेरिकाले बीएलएलाई 'विशेष रूपमा तोकिएको विश्वव्यापी आतंकवादी' (एसडीजीटी) संगठनको श्रेणीमा राखेको थियो।
प्रतिक्रिया