इरानको आणविक केन्द्रमा इजरायलले आक्रमण गर्दा गयो भूकम्प (भिडिओ)

इजरायलले सोमबार बिहान इरानको फोर्डो आणविक केन्द्रनजिकै भीषण आक्रमण गरेको छ। 

इरानी सहर कोमबाहिर फोर्डो आणविक केन्द्रमा ठूलो विस्फोटको आवाज सुनिएको थियो। 

अन्तर्राष्ट्रिय सञ्चारमाध्यमका अनुसार विस्फोटका कारण आणविक केन्द्र वरपरका क्षेत्रमा भूकम्पको झट्का महसुस गरिएको थियो।

यसैबीच आणविक केन्द्रनजिकै २.५ रिक्टर स्केलको भूकम्प मापन गरिएको छ। इजरायलले गराएको ठूलो विस्फोटकै कारण भूकम्प गएको अनुमान गरिएको छ।

प्रत्यक्षदर्शीका अनुसार फोर्डो आणविक केन्द्र वरिपरि धेरै विस्फोटका आवाज सुनिएका थिए र जमिनमा भूकम्पजस्तो शक्तिशाली कम्पन महसुस गरिएको थियो।

भिडिओ-

Witness reports suggest several loud explosions near the Fordow nuclear site, with noticeable ground tremors.

This video appears to show the blasts around 20 kilometers from the city of Qom.pic.twitter.com/k6DTY1kh8j

— Iran International English (@IranIntl_En) June 15, 2025

इरानले पनि बदलामा इजरायलविरुद्ध लगभग १०० क्षेप्यास्त्र प्रहार गरेको छ। 

इजरायल र इरानबीचको लडाइँ सोमबार चौथो दिनमा प्रवेश गरेको छ।