युनिकोड
शनिबार दिउँसो भारतीय राज्य उत्तराखण्डको रुद्रप्रयाग जिल्लामा एउटा हेलिकप्टर सडकमा आपत्कालीन अवतरण गरेको छ।
भारतीय सञ्चारमाध्यमका अनुसार केस्ट्रेल एभिएसन प्राइभेट लिमिटेडको यो हेलिकप्टर ५ यात्रु लिएर केदारनाथ जाँदै थियो।
तर प्राविधिक गडबडी देखिएपछि पाइलटले हेलिकप्टरलाई सडकमै अवतरण गराएका हुन्।
घटनाको जानकारी पाउनेबित्तिकै प्रशासनले घटनास्थलमा टोली पठाएर हेलिकप्टर सडकबाट हटाएको थियो।
जिल्ला पर्यटन विकास अधिकारी तथा हेली सेवा नोडल अधिकारी राहुल चौबेले भने, ‘केस्ट्रेल एभिएसन प्राइभेट लिमिटेडको हेलिकप्टर बारासुस्थित आफ्नो आधारबाट ५ यात्रु लिएर केदारनाथ धामका लागि उडान भरिरहेको थियो। यस क्रममा हेलिकप्टरमा केही प्राविधिक गडबडी भयो।’
उनले थपे, ‘पाइलटले समयमै समस्या थाहा पाए र नजिकै खाली बाटो देखेपछि आपत्कालीन अवतरण गराए। हेलिकप्टरमा रहेका पाँचै यात्रु सुरक्षित छन्, पाइलटलाई भने सामान्य चोट लागेको छ।’
राहुल चौबेका अनुसार आपत्कालीन अवतरणका क्रममा सडकमा पार्क गरिएको कारमा क्षति भएको छ।
भिडिओ हेर्नुहोस्:
#WATCH | Uttarakhand | A private helicopter en route to Kedarnath Dham made an emergency landing in Guptkashi of Rudraprayag district due to a technical fault. All the people on board the helicopter are safe: Uttarakhand ADG Law and Order Dr V Murugeshan
— ANI (@ANI) June 7, 2025
CEO of UCADA has… pic.twitter.com/Zj1SLluZ7N
प्रतिक्रिया