युनिकोड
इजरायलले सिरियामा रहेका हतियार भण्डारहरूमा आक्रमण गरेको दाबी गरेको छ।
मंगलबार सिरियाबाट इजरायलमा दुई वटा क्षेप्यास्त्र प्रहार गरिएको रिपोर्ट आएको केही घण्टापछि यो आक्रमण गरिएको हो।
सिरियाली विदेश मन्त्रालयले दक्षिणी सिरियामा इजरायली आक्रमणले 'भारी जनधन क्षति' भएको बताएको छ।
मन्त्रालयले इजरायलले क्षेत्रलाई अस्थिर बनाउन खोजेको आरोप पनि लगाएको छ।
इजरायलका रक्षामन्त्री इजरायल काट्जले इजरायलमा गरिएका क्षेप्यास्त्र आक्रमणका लागि सिरियाका अन्तरिम राष्ट्रपति अहमद अल-शारालाई जिम्मेवार ठहराएको छ।
दुई देशबीच वैमनस्य कम गर्न हालै भएको अप्रत्यक्ष वार्ताका बाबजुद इजरायलले सिरियामा आक्रमण बढाएको छ।
विशेष गरी डिसेम्बर २०२४ मा अल-शाराले बशर अल-असदको सरकारलाई सत्ताबाट हटाउने विद्रोही आक्रमणको नेतृत्व गरेपछि इजरायलले सिरियामा हमला गरेको हो।
प्रतिक्रिया